18. THA CIA NGAI IROMUIKURUKIRA

1.
Tha cia Ngai iromũikũrũkĩra,
Inyui mũikaraga mũbatairio.
Nĩ wega wa Ngai wonekage,
Cikaro-inĩ cianyu rũgendo-inĩ.

2.
Ngũmwĩra Ngai aromũrathima,
Inyuĩ mũtũire na gĩthethũko,
Tũri kũnogera rũgendo-inĩ,
Nĩ mbara cia thĩ-ĩno na magerio.

3.
Mũtiri hingo mũtagakena,
Mwarĩkia kũhota mbara-inĩ,
Mukinye gĩtĩ-inĩ gĩa ũthamaki,
Mũthenya wanyu wa kũhurũka.

4.
Tukaheo thũmbĩ cia ũthamaki,
Na nguo njeru igũkenga mũno.
Na rũthanju rwega rwa thahabu,
Rwa gũciragĩra ndũrĩrĩ.

5.
Muthenya ũcio noguo mũgakena,
Mbara na magerio iriganire,
Mũkĩrorera ũthiũ wa Mwathani,
Mutongoria wanyu rũgendo-inĩ.

6.
Kĩrĩro kĩingi nĩ gĩkoneka,
Kñrĩ aria maregire Mwathani,
Mamuona agĩũka na ũnene wa ithe,
Gũtua cira hamwe na arĩa atheru.
7.
Noguo makeriragĩria gĩkuũ,
Ithenya rĩa wega wa Mwathani.
Matigacoka kuririkana,
Ikeno ciothe manona gũku thĩ.

8.
Hindĩ ĩyo Atheru magakenaga,
Hamwe na Araika mũciĩ wa Igũrũ.
Kĩeha na maithori nĩ igathira,
Tũgatũra hamwe na Mwathani.