170. GUTIRI MUNDU UUI MUTHENYA URIA AGAKUA

1.
Gũtirĩ mũndũ ũũĩ
Mũthenya ũrĩa agakua
No Jehova we nĩoĩ
Rĩrĩa agakweheria thĩ

2.
Ũũgĩ wa Jehova Ngai
Nĩ mũnene gũkĩra
Ũũgĩ wa ngoro ciothe
Cia andũ arĩa me thĩ yothe

3.
Kwĩnyihĩria Jehova
Nĩguo ũũgĩ mũnene
Naguo ũheagwo andũ arĩa
Mahoyaga na kĩyo

4.
Mwathani nĩagaĩire
Atũmwo ake ũũgĩ
Mamenyage mandĩko
Marĩa Roho andĩkire

5.
Ũũgĩ ũrĩa ũkahĩtania
Na Maandĩko ma Ngai
Nĩ wega andũ mamenye
Ũũgĩ ũcio ti wa Roho

6.
Wĩtigĩre Jehova
Nĩ mũnene kũrĩ we
O naguo ũũgĩ wake
Ndũĩ gĩturi kĩaguo.