428. NJUTHAGIRIRIA MATU-INI

1.
Njũthagĩrĩria matu-inĩ ngerirĩria
Kũinũka, nyume nyũmba ĩno ya ihinda.
Humbwo mwĩrĩ wa Roho, mwĩrĩ na maũndũ
magwo ciendaga ndĩhugũre, (Atheru
Makĩhumbwo thũmbĩ naniĩ ngahunbwo njono) x 2

2.
Rũgendo rwagĩta hinya mũrungu ndũngĩringwo
Tondũ nguo ĩno ya mwĩrĩ nĩ ĩnditũhagĩra
Gĩikaro gĩakwa kĩa igũrũ nĩkĩo ndĩriragĩria
(Kĩndeithagie ngĩũka mũrungu nĩguo tũgatũrania) x 2

3.
Nĩwaguũrĩire ndungata bũrũri ũcio wa igũrũ
No ũthamaki wa matu-inĩ na arĩa maikaraga kuo
Nĩkĩo ndahoya gũtoria nĩgetha ndakinya kũo
(Ningaheo rĩtwa rĩerũ rĩrĩa ngetagwo igũrũ x 2

4.
Mũthenya ũgakĩa ta ũmuthĩ, riũa rĩtũĩke nduma
Nagũo mweri ũgarũrũke ũkahana ta thakame
Ndiũragia ngakorwo ho thĩ na igũrũ cieherio
(Nĩurĩa ugaga na ageka na ndagarũrũkaga) x 2

5.
Rũrĩmĩ no ta gacĩnga,Mwathani ũnjohere
Tondũ rwaragia maũndũ marĩa moimaga ngoro
Ndeto ciagũtũma Ocambio ciumaga ngoro njũrũ
(Nacio ciagũtũma ũgocwo ciumaga ngoro njega) x
2.

6.
Igema na ndeto cia thĩ, cianahĩtithia andũ aingĩ
No Roho ũrĩa watũheire, ndangĩhĩtĩthia andũ
Nĩamenyaga ndeto cia thĩ naakamenya cia igũrũ
(Na ũrĩa ũtongoragio nĩũcio egũtũra arĩ omwathĩki) X 2,

7.
Cira ũgatuwo na kĩhoto, gĩtĩ-inĩ gĩa ũthamaki
Nĩ arĩa matũire gũkũ thĩ, mathathayagia Ngai
Ehoki a maũndũ mathĩ nĩmagaconorithio
(Maikio iria-inĩ rĩa mwaki matũre makayaga) x 2

8.
Mĩhũmũ ingiuma mwĩrĩ-inĩ, ndingĩcoka kuoneka
Tondũ ndĩkĩrĩ orũkũ nĩwe wanyũmbanirie
Mwĩrĩ ũngĩtũĩka tĩri ndĩna kĩrĩgĩrĩro
(Tondũ mĩhũmũ ĩno Baba nĩwe ĩgacokerera) x 2